ASESORIA ALTERNATIVO PA KORTE

__________

Litigashon ta e proseso pa trese un disputa hurídiko dilanti korte di Hustisia. Pa algun di nos ta e último solushon, pa otro ta e uníko solushon. Si bo mester bai korte di Hustisia ta rekomendabel pa buska konseho hurídiko adelantá serka un eksperto den lei (hurista o abogado), paso e hues no por yudabo ku pregunta nan relashoná ku kontenido. Un hues mester traha imparsial i independiente.

Si bo mester entamá un kaso na korte o bo mester skirbí un karta di defensa pa un kaso den korte, pero bo no tin un abogado i bo no ta drenta den remarke pa asesoria hurídiko pro deo di gobièrnu (salario anual te ku XCG 22.500), i bo ta buskando alternativa, e ora ei bo por tuma kontakto ku LIF Legal.

LIF Legal ta ofrese asesoria hurídiko alternativo i kompetitivo (di kalidat haltu) pa un tarifa pagabel.

DEN KORTE 

__________

Ora ta trata kaso na korte di Hustisia LIF Legal ta duna asesoria hurídiko alternativo pa esnan ku kier representa nan mes den korte. E asina yamá: litigante den persona. 

Na Kòrsou no tin representashon obligatorio di abogado den korte di Promé Instansia ni di Apelashon. Tur suidadano tin e derecho di representa su mes i papia pa su mes den korte di Hustisia na Kòrsou komo alternativa pa spar sèn di kosto.

Komo èks fiskal di Hustisia suplente i èks sekretario hurídiko (grifir) di korte di Hustisia Limar Francisca tin hopi eksperensia i ekspertisio den litigashon i por ofrese bo un asesoria kompetitivo di alto kalidat pa bo mes defende bo kaso na korte. 

Servisio di asesoria alternativo pa korte:

• Konseho i strategia hurídiko;
• Skirbí demanda o defensa;
• Seshon di praktika di argumentashon (moot court).