LIF Legal ta un konsultorio hurídiko independiente ku a wòrdu fundá na Kòrsou dor di e hurista Limar Francisca. Limar ta kere firmamente, den kuadro di hustisia sosial i humano, ku asesoria hurídiko mester ta un nesesidat pa komunidat i no un luho. Tur hende mester tin akseso igual i hustu na nan derecho nan, pafo i den korte di Hustisia. Pa e motibu ei Limar a komprometé su mes pa sigurá e estado di derecho sosial i humano na Kòrsou, yuda suidadano nan buska nan derecho nan i buta e poder di lei traha pa e komunidat den su totalidat dor di hasi asesoria hurídiko aksesibel i pagabel.