KONOSE Limar Francisca
__________
Limar Francisca (1985) ta un hurísta profeshonal i un humanista ku ta pensa for di ratio, étika i hustisia. Na aña 2019 e la logra un pilar den su karera na momentu ku e la wòrdu nombrá dor di dekreto di Rei Willem Alexander komo fiskal di Hustisia suplente den korte Penal di Promé Instansia na Boneiru, Sint-Eustatius i Saba. I tambe dor di a diseñá i koordiná e promé Maneho di Ehekushon di Sentensia Penal i Kobransa di daño por huiso pa viktima nan di krímen den Hulanda Karibense.
__________
Kualifikashon
Limar a studia lei na Hulanda na Skol di Lei, Maneho i Ekonomia di Inholland University of Applied Sciences na Rotterdam (LL.B) i na Skol di Lei di Open University of the Netherlands na Heerlen (Effectus Civilis/LL.M). Tambe e la sigui un post-graduado programa den lei Penal na Sentro Edukashonal di Hurisdikshon (SSR) na Utrecht.
| Karera | |
|---|---|
| 2023 - presente | Propetario, konsehero i representante hurídiko | LIF Legal, Kòrsou. |
| 2019 - 2022 | Fiskal di Hustisia suplente, senior sekretario hurídiko i tenedó i koordinadó di kartera di Ehekushon | Ministerio Públiko di Bonaire, St. Eustatius i Saba. |
| 2018 - 2019 | Senior kolaborador hurídiko | Ministerio Públiko di Boneiru, St. Eustatius i Saba. Logro nan remarkabel: Maneho di persekushon di infrakshon di Ordenansa di Tráfiko, Ordenansa Kore bou di influensia den tráfiko, Maneho di uso di método nan speshal pa investigashon forènsiko, Maneho di Persekushon di violensia kontra ofishal nan i Maneho di ehekushon di sentensia penal i daño por huiso. |
| 2013 - 2017 | Sekretario hurídiko (grifir) den kaso nan Sivil i Penal | Korte di Hustisia Midden-Nederland, Den Haag i Rotterdam. Logro remarkabel: hurisprudensia 22 desèmber 2014, ECLI:NL:RBMNE:2014:7086. |
| 2011 - 2012 | Konsehero hurídiko di Mantenshon i Órden Públiko | Munisipio Ridderkerk. |
| 2010 - 2011 | Konsehero hurídiko den derecho di proseso Sivil, Penal i Atministrativo | Inholland Legal Advice & Consultancy Centre, Rotterdam. |
Státiko
Limar a hasi investigashon hurídiko, evaluashon hurídiko i skirbi memorando hurídiko pa mas ku 1500 kaso na korte di Hustisia na Hulanda i na Ministerio Públiko na Hulanda Karibense.
Extra akitivat
- 2024 - presente Miembro i konsehero di direktiva di fundashon Stichting Schuldsanering en Bewindvoering Curaçao.
- 2023 - 2023 Organisadó i co-produktor, den asosiashon ku Fundashon Museo Tula i prof. dr. Rose Mary Allen, di klas nan maestral tokante Sklabitut, Lei i Reparashon, den komemorashon di 160 aña di abolushon di sklabitut na Kòrsou.
- 2021 - presente Co-fundador i miembro di direktiva di Fundashon E Mihó Solushon (FEMS) na Boneiru.
Limar ta dominá e idioma nan Papiamentu, Hulandes, Ingles i Spañó.
